जिल्ला समन्वय समितिको कार्यालय
लमजुङ, नेपाल
२०८३ श्रावण १ गते शुक्रबार
लमजुङ, नेपाल
नेपालको संविधान, स्थानीय सरकार सञ्चालन ऐन, २०७४, गण्डकी प्रदेश सरकारको स्थानीय तहको सभा सञ्चालन (कार्यविधि) ऐन, २०७५ वमोजिम जिल्ला सभालाई प्राप्त भएको काम, कर्तव्य र अधिकारलाई कार्यान्वयन गर्न एवम् जिल्ला भित्र सरकारी तथा गैरसरकारी क्षेत्रबाट सञ्चालन गरिने विकास निर्माण सम्वन्धी योजना तथा कार्यक्रमहरुको जिल्ला समन्वय समितिबाट गरिने अनुगमन तथा समन्वय सम्बन्धी कार्यलाई नियमित, व्यवस्थित र प्रभावकारी बनाउन वाञ्छनीय भएकोले स्थानीय सरकार सञ्चालन ऐन, २०७४ को दफा ९२ को उपदफा ४ ले दिएको अधिकार तथा गण्डकी प्रदेश सरकारको स्थानीय तहको सभा सञ्चालन (कार्यविधि) ऐन, २०७५ को दफा ३७ को उपदफा ४ ले दिएको अधिकार प्रयोग गरी लमजुङ जिल्लाको जिल्ला सभाले मिति २०८३ असार २३ गते "जिल्ला समन्वय समितिबाट गरिने अनुगमन तथा समन्वय सम्बन्धी कार्यविधि, २०८३" स्वीकृत गरेको छ ।